اكتب ب كفّي ما يكفي لنقول بكفّي !

Posts tagged ‘رمضان كريم’

أغنية تنتقد الدراما العربية

أغنية شعبية فلسطينية ل قاسم النجار تنتقد “مغازلة المحتل الإسرائيلي” في الدراما العربية هذا العام.

drama

Advertisements

رسالة أمير المؤمنين أبي بكر البغدادي إلى المجاهدين والأمة الإسلامية

رسالة أمير المؤمنين أبي بكر البغدادي إلى المجاهدين والأمة الإسلامية بمناسبة شهر رمضان !!!

da3echou

بمناسبة شهر رمضان الكريم

بمناسبة حلول شهر رمضان على الأمة الاسلامية والعربية واللبنانية (بعيدة ان تكون أمّة بس دحشتا)

رمضان كريم

رمضان كريم

اتوجه بالدعاء الى شهر رمضان لكي عنجد يكون كريم:

يا شهر رمضان الكريم اكرم علينا بكم ساعة كهرباء من جيبتك: مش كرمال شي بس كرمال إمي تقدر تستعمل الفرن لتحميص الخبز للفتوش وبركي الطبخة بدها فرن إنو تحسباً (أمي لا تحب عنصر المفاجأة)
يا شهر رمضان الكريم خفف من ريحت الدواليب خفف حرقها أو خفيها اذا امكن من اجل ان تخفف نسبة احتمال اصابتنا بسرطانات الرئة. لأنو بعد الاصابة ما بدي بوس إيدان السياسيين كرمال فوت على المستشفى.
يا شهر رمضان الكريم خفف عنا ظهور السياسيين على شاشات التلفزة لأنو كل ما شوفٌ بتلعي نفسي وبصير مضطر إفطر بسمت بدن وبميت مسبة.
يا شهر رمضان الكريم روّق العالم وخليهم يفهموا انو اذا طولوا بالهم على بعضٌ كلٌ بيوصلوا اسرع. وسألهم اذا شي مرة زمورٌ وصلهم أسرع كرمال اشتري زمور وبطل استعمل السرفيس لأنو ما معي حق سيارة.
يا شهر رمضان الكريم اكرم علينا بشوية ماي مش كرمال المعصية أعوز بالله بس كرمال امي تغسل الخضرا وكرمال الجلي بعد الافطار.
يا شهر رمضان الكريم سرع الانترنت كرمال نقدر نرد على التبريكات بحلولك على الفيسبوك ونقول علينا وعليكٌ.
يا شهر رمضان الكريم نزال على الاسواق واضبط الاسعار التي تنسى كرمك فيصبح صحن الفتوش ناقص شي ٤ او ٥ مكونات اساسية (ملاحظة انا بسمي صحن نص فتوش).
يا شهر رمضان الكريم بلغ اللبنانيين انو الصيام مش بس عن الاكل، بل عن الكلام الفارغ (يعني اكل الهوى) والتلطيش والزعرنات وحرق الدواليب والتشبيح والعيط والتشليح وتمسيح الجوخ و و و. الشعب اللبناني اذا بطبق رمضان صح بصير شعب بريطاني او شي متل مبعرف شي شعب تاني.

يا شهر رمضان الكريم هل عنجد فيك تكون منيح وتكب بالبحر شي نص كيلو او طن من سياسيين وحرمية ومحتكرين البلد.

قولوا معي : “رمضان كريم!! ” بماذا “ما بعرف” بس كريم خلونا نحلم.

معرض الوسوم