اكتب ب كفّي ما يكفي لنقول بكفّي !

المدرسة: صف رقم ٢

فنان قدير أحب اعماله، جورج خباز.

الذي يدهشني في هذا الفيديو تفاعل الحاضرين مع القصيدة فبدل البكاء يضحكون. خاصةً الحضور السياسي يمكنك أن تفرق بسهولة جداً من ينصت ويتأثر ومن يستمع ويضحك !! هذه القصيدة تنتقدهم فيضحكون !! متى ستفهمون أننا نبصق في وجهكم، لأ الديني ما عم تشتي !!

في وقت
في وقت بعد بكير تفرجوا علينا
في وقت لشعب نصير شوصاير علينا
في وقت مش مضطرين افكارنا تتغير
خلونا هيك مقسومين ما القرار مسير
ونصغّر هالبلد الصغير اكتر منو زغير
في وقت تركوها تنزف جراحنا المفتوحة
في وقت مش مضطرين نعيش البحبوحة
في وقت للجوعانين لاحق المعتر يشبع
واللي هاجر من سنين خللي بلا ما يرجع
واللي حقوقو مهضومة انقعوا بعد بالعذاب
في وقت للحكومة وفي وقت للانتخاب
لذيذة الطائفية مش وقتا هلأ نتحرر
خلينا بالمذهبية والستة وستة مكرر
في وقت ليحلا العيش بلا ما العالم يرتاحوا
في وقت يسيطر الجيش كل واحد يبقى عسلاحو
لشو دخلك الحوارات بلا القعدة عالطاولة
خلينا تجمعات وبلا ما نبني دولة
وكساراتنا المهضومة جبالنا بحص بتبيعا
وشواطينا مردومة شو الها عازة الطبيعة
خلونا هيك مبنجين ونزرع اراضينا سم
ما نعرف وين المفقودين وماتنشف دموعا للام
في وقت تفوش الخزينة ما فينا نكفي بلا هم
وشجر بلادي الحزينة كل فترة بتسقوها دم
في وقت طولوا الفتيلة ودوروا بعد الزوايا
الايام قدامنا طويلة لاحقا تصفا النوايا
ولهونا بالارجيلة لاحقين يصطموا الروايا
في وقت خلونا ملهيين كل عمرو هيك الوطن
يا خوفي بكرا بعد سنين من العالم نشحد وطن
وتدوب الهوية عالسكت من هلأ لوقتا … في وقت

إلى كل الشهداء

الفنان جورج خباز

الفنان جورج خباز

 

اسمعني يا رفيقي الشهيد يللي تركتنا بكير ، نفس الغلطة عم منعيد واللي صار رجع يصير
رجعنا نمشي نفس الدرب ونفتش عماشي ، كأنو كل سنين الحرب ما تعلمنا منّا شي
و 30 سنة من الذل يظهر ما بتكفينا ، رجع الحقد فينا حل ورجعوا يلعبوا فينا
والشباب بعدا بتفل وعم نسمع صوت القنابل ، ورجع الكل يسب الكل وانخلط الحابل بالنابل
ومشيت لغة التجريح والبلد ما شفيوا جراحو ، قولك رح تاخدنا الريح ما بيكفوا اللي راحوا
سبق وشربنا من الكاس وبكينا عالمقابر ، ما اشتقنا عخطوط التماس ولا اشتقنا عالمعابر
قلن حاج يضحكوا عالناس اللي بيحكوا عالمنابر ، يا ريت فيك تزورهن يوم مش عم يسمعوا منّي
فيقهن انت من النوم ببلد متل الجنة ، قلن يا بشر اوعا ترجعوا لهاك الايام
صار لازم بقا نوعا ببلد بيلبقلو السلام ، ما حدا منّا سئلان وعَ وطنو خايف
كل واحد فاتح دكان ليتاجر بالطوايف ، يا عالم كل الاديان بتدعي لنكون محبّين
ونحنا منكره الانسان ومنحط الحجة بالدين ، قلوبنا صارت من حديد وما تعلمنا من الماضي
خايف يا رفيقي الشهيد تكون رحت عالفاضي
بنتَك صارت صبية وصار عمرا فوق العشرين ، عم بتسأل وينو بيي وبيي استشهد كرمال مين ؟
قلتلا بيّك بدمو دفع حق الحرية ، القضية كانت همّوواستشهد للقضية
قالت ايّا حرية ؟ وشو بدي بالقضية ، مبارح بحفلة تخرجت وما كان بالحفلة بيي
قلن يوعوا من جديد وما يرجعوا للماضي ، حتى يا رفيقي الشهيد ما تكون رحت عالفاضي
ليش ضحكات الاطفال عنّا الخوف بيخطفا ، بلدي يا احلى وردة الكل بدّو يقطفا

بعد كلمات هذه القصيدة السكوت أفضل! فماذا يمكن أن أضيف؟ يمكنكم أنتم أن تعلقوا
شكراً جداً جزيلاً

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

معرض الوسوم

%d مدونون معجبون بهذه: